Lineto(-di-cinq-estamino)
Moehringia pentandra
Caryophyllaceae
Nom en français : Sabline à cinq étamines.
Descripcioun :Aquesto lineto, pulèu raro, trachis dins lis esboudèu, li sablo e sus li cengle. Coume tóuti li meno dóu gènre Moehringia, s'atrobo un meno de biasso pèr li fournigo sus la grano que l'emporton pèr nourri si babo, l'elaiosome (vèire la fotò à man drecho). Li fueio soun larjo e pecouiado emé quàsi ges de péu (aleva sus lou pecou). Se recounèis tambèn à si grano picoutado. Apoundèn que souvènti fes i'a ges de petalo.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 5 à 20 cm
Fueio : óupousado
Tipe bioulougico : Teroufite
Cicle bioulougico : Planto de l'an
Gènre : Moehringia
Famiho : Caryophyllaceae
Ordre : Caryophyllales
Coulour de la flour :
Blanco
Petalo : 5
Ø (o loungour) flour : 1,5 à 2 mm
Flourido : Printèms
Sòu : Ca (Si)
Autour basso e auto : 0 à 1200 m
Aparado : Noun
Abriéu à jun
Liò : Esboudèu
- Cengle
- Sablo
- Bos clar
Estànci : Mesoumediterran à Subremediterran
Couroulougi : Eurimediterrano
Ref. sc. : Moehringia pentandra J.Gay, 1832
(= Moehringia trinervia subsp. pentandra (J.Gay) Nyman, 1878 )
Esparello(-de-Liotard)
Hieracium liotardii
Asteraceae Compositae
Nom en français : Epervière de Liotard.
Descripcioun :Aquesto esparello fai partido dóu group ANDRYALOIDEA, planto emé de fueio lanudo qu'an de péu emé de lòngui dènt (> 3 cop soun diamètre). Se recounèis peréu à si flour pourtado pèr un long pecouiet. Trachis dins li roucas cauquié au soulèu.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 10 à 40 cm
Fueio : alterno
Tipe bioulougico : Emicriptoufite
Cicle bioulougico : Planto renadivo
Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales
Coulour de la flour :
Jauno
Petalo : >6
Ø (o loungour) flour : 1 à 2 cm
Flourido : Printèms
- Estiéu
Sòu : Ca
Autour basso e auto : 200 à 1700 m
Aparado : Noun
Mai à juliet
Liò : Roucas
Estànci : Subremediterran
Couroulougi : Ouroufito Sud-Ouèst-Aupenco
Ref. sc. : Hieracium liotardii Vill, 1779
